_1692346234_1692579957_1696057934.jpg)
रामधुनी / निम करोली बाबा सेवा समिति रामधुनी वडा नम्बर ५ को परिचयात्मक एवम् शुभकामना आदानप्रदान कार्यक्रम गरिएको छ ।
भर्खरै बनेको समितिले रामधुनि र बहारक्षेत्र नगरपालिकाका जनप्रतिनिधि बिच परिचयात्मक कार्यक्रम गदै रामधुनि मन्दिरमा निम करोली बाबाको नाममा धर्मशाला बनाउने विषयमा छलफल गरेको छ । समितिकाका अध्यक्ष अच्युत तिम्सिनाको टोलीले रामधुनी नगरपालिकाका नगर प्रमुख शंकर लाल चौधरी र बहारक्षेत्र नगरपालिकाका उपप्रमुख नन्द कुमारी सुनुवार समक्ष धर्मशाला बनाउने विषयमा आवश्यक सहयोग र समन्वय गरिदिन आग्रह गरिएको थियो ।
रामधुनि नगरपालिका मेयर चौधरी र बराहक्षेत्र नगरपालिकाकी उपमेयर सुनवारले निम करोली बाबाको नाममा निर्माण हुने धर्मशालाको लागि आवश्यक सबै सहयोग र समन्वय गर्ने प्रतिबद्धता जनाउनुभयो ।
साथै रामधुनि नगरपालिका वडा नं. ४ का वडाध्यक्ष कमल कार्कीले समेत सहयोगको प्रतिबद्धता जनाउनुभयो । रामधुनीमा आश्रम निर्माणपछि यहाँको धार्मिक तथा पर्यटन क्षेत्रमा ठुलो सहयोग पुग्ने समितिका अध्यक्ष अच्युत तिम्सिनाले बताउनुभयो ।
परिचय कार्यक्रममा समितिका अध्यक्ष तिम्सिना सहित उपाध्यक्षमा प्रतीक्षा अधिकारी ,सचिवमा रुपेश शाह, सहसचिवमा सदिच्छा दाहाल,कोषाध्यक्षमा निमेष कोइराला सदस्यहरूमा खगेन्द्र पौडेल ,ज्ञानेन्द्र कार्की,खुसी लाल ठाकुर ,लिखा देवी थापा र जेनिसा तिम्सिना लगायतको कार्यक्रममा उपस्थिति रहेको थियो । साथै रामधुनी नगरपालिकाका विभिन्न वडाका वडा अध्यक्ष तथा सदस्य लगायतको समेत सहभागिता रहेको थियो ।
