_1692346234_1692579957_1696057934.jpg)
संखुवासभा / संखुवासभा जिल्लाको खाँदबारी बजारबाट करिब १८ किलोमिटर टाढा रहेको हेलुवा बेसि गाउँ रूद्राक्ष उत्पादन र खेतीका कारण परिचित छ। यहाँका किसानहरूले रूद्राक्ष उत्पादनबाट वार्षिक रूपमा ७ देखि ८ लाख रुपैयाँसम्म आम्दानी गरिरहेका छन्। तर, यहाँको प्रमुख चुनौती भनेको खानेपानी र यातायातको असुविधा हो, जसका कारण उत्पादन गरेका वस्तुहरूको बिक्री वितरणमा कठिनाइ भोग्नुपरेको छ।
गाउँलेहरूका अनुसार, यो क्षेत्रले पर्यटनको दृष्टिले पनि महत्वपूर्ण सम्भावना बोकेको छ, तर विकास निर्माणको काममा पछि परेको छ। खाँदबारी बजारबाट १८ किलोमिटर तल रहेकोले, सरकारी स्तरमा आवश्यक पूर्वाधारहरू निर्माणमा ध्यान पुर्याइएको छैन, जसले गर्दा स्थानीय व्यवसाय र व्यापारमा प्रतिकूल प्रभाव परेको छ।
उद्योग र पर्यटनको संभावनामा अघि बढ्नका लागि गाउँलेहरूले सरकारसँग आधारभूत पूर्वाधारमा ध्यान दिन अपिल गरेका छन्।
