_1692346234_1692579957_1696057934.jpg)
इटहरी : नेकपा एमाले इटहरीको अध्यक्षमा रुपेश बस्नेत निर्वाचित भएका छन् ।
शनिबार इटहरीमा सम्पन्न नवौँ अधिवेशनमा बस्नेतले १९७ मत प्राप्त गर्दै विजयी भए । त्यसैगरी निकटतम् प्रतिस्पर्धी सुजन लामाले ७९ मत प्राप्त गरे भने उमेश पौडेलले ६२ मत प्राप्त गरे ।
युवाहरूले भने सुजन लामालाई अध्यक्षमा उम्मेदवारी उठाएका थिए । प्रदेश सांसद रेवतीरमण भण्डारी र एमाले केन्द्रीय सदस्य लक्ष्मी गौतम निकट मानिएका उनले दोस्रो मत प्राप्त गरे ।
खासगरी कोशी प्रदेशमा विराटनगरपछि इटहरीलाई प्रत्येक राजनीतिक दलको निर्वाचनमा महत्वकासाथ हेरिदैँ आएको छ । एक महिनाअघि एमाले सुनसरीको निर्वाचनमा पनि दुई समूहबीच निर्वाचन भएको थियो ।
कुन पदमा को निर्वाचित ?
अध्यक्षमा बस्नेत निर्वाचित हुँदा उपाध्यक्षमा जीतेन्द्र थापा निर्वाचित भएका छन् । उनले २०१ मत प्राप्त गर्दा मन्दिरा राईले १३१ मत प्राप्त गरिन् । यसैगरी सचिवमा मदनबहादुर कार्कीले १७३ मत प्राप्त गर्दै निर्वाचित हुँदा राजेन्द्रकेशरी घिमिरेले १२१ र गोपाल गिरीले ४० मत प्राप्त गरे ।
यता, उपसचिवमा रञ्जु सिग्देलले २४५ मत र तेजनारायण चौधरीले १५० मत प्राप्त गर्दै विजयी भए भने मनोजकुमार राय, सुनील कार्कीले समान ९१ मत प्राप्त गर्दा विमलादेवी लम्सालले ८१ मत प्राप्त गरिन् ।
यस्तै, लेखा कमिटि सदस्य महिलातर्फ मेनुका घिमिरे भट्टराई र रेणुका राई, लेखा कमिटि सदस्य खुल्लातर्फ निशान खनाल र प्रशान्त पोखरेल निर्वाचित भएका छन् ।
यसैगरी, हल खुल्ला महिला सदस्यतर्फ चन्दा पुरी, दमयन्ता कार्की, धनुकला नाल्बो लिम्बू र धनमाया श्रेष्ठ, हल खुल्ला सदस्यतर्फ उमानाथ दाहाल, उमेश सुवेदी, केदार घिमिरे, देवराज मादेन र हर्कबहादुर मगर निर्वाचत भएका छन् ।
यस्तै, दलित महिला सदस्यतर्फ राधिका विश्वकर्मा, आदिवासी जनजाती सदस्यतर्फ शिलाकुमारी गुरुङ, जनजाती पुरुष सदस्यतर्फ पूर्णबहादुर तामाङ र सरोजकुमार गुरुङ, थारु महिला सदस्यतर्फ गायत्रीकुमारी चौधरी, थारु खुल्ला सदस्यतर्फ कमलकुमार चौधरी र सत्यनारायण चौधरी निर्वाचित भएका छन् ।
उता, भूगोल खुल्ला सदस्य (७ नं.) तर्फ देवनारायण चौधरी, भूगोल महिला सदस्य (७ नं.) तर्फ मेनुका बञ्जरा, भूगोल खुल्ला (१२ नं.) तर्फ कमल कार्की, भूगोल खुल्ला (२० नं.) रवीन्द्र भट्टराई निर्वाचत भएका छन् ।
