गल्फ कोर्ष राष्ट्रकै सम्पत्ति हो यसको संरक्षण र सम्बर्द्धन गर्छौ : सदस्य सचिव पर्सुराम बस्नेत

धरान/ नेपालकै उत्कृष्टमध्ये पर्ने धरानको गल्फ खेल मैदानको अनुगमन गरिएको छ । कोशी प्रदेश खेलकुद बोर्डका सदस्य सचिव पर्शुराम वस्नेतले विपि कोइराला स्वास्थ्य विज्ञान प्रतिष्ठान धरान हाताभित्र रहेको कोशी प्रदेशको एक मात्र गल्फ कोर्सको अवस्था र सम्भावनाका बारेमा परामर्श समेत गर्नुभएको छ ।

कोशी प्रदेशमा रहेको मात्र एक गल्फ कोर्ष ब्रिटिश घोपा क्याम्प रहदा गोराहरुले यो कोर्ष बनाएका थिए । नेपालमा काठमाण्डौ, पोखरा र पुर्वमा यही धरानमा मात्र गल्फ कोर्ष छ । त्यसैले नेपालमा गल्फ खेलाडी उत्पादनमा धरानको पनि महत्वपुर्ण योगदान छ ।

  गल्फ कोर्ष राष्ट्रकै सम्पत्ति मानेर संरक्षणमा यसको संरक्षण र सम्बर्द्धन गर्नका लागि अनुगमन गरिएको कोशी प्रदेश खेलकुद बिकास बोर्डका सदस्य सचिव बस्नेतले बताउनुभयो ।

गल्फ कोर्षको संरक्षणमा आफुले पनि प्राथमिकतामा राखेर सहयोग गर्ने बताउँदै उहाले कोर्षको संरक्षणप्रति प्रदेशसरकारको पनि ध्यानाकर्षण गराइ प्रदेश सरकारबाट पनि कोर्षको संरक्षणमा सहयोगको लागि आफ्नो पहल हुने उहाँको भनाई थियो ।

नेपालमा पनि छोटो समयमा नै मुख्य खेलको रुपमा स्थापित भएर प्रचुर सम्भावना भएको यस खेलले गर्दा धेरै नेपाली खेलाडीलाई विश्व सामु चिनाउन सफल भएकोले यो खेललाइ संरक्षण र प्रवर्द्धन गर्नुपर्ने गल्फ खेलाडी भिम दाहालले बताउनुभयो।

 कोर्षको स्वामित्व वीपी प्रतिष्ठानसँग छ । प्रतिष्ठानले निर्वाणा कन्ट्री क्लबलाई ५० बर्षको लागि लिजमा दिएको थियो । निर्वाणाले कोर्षलाई उचित रेखदेख नगरेको भन्दै विवाद र आलोचना पनि खेप्ने गर्छ । कोर्ष जुनरुपमा रहनुपर्ने हो, त्यस्तो छैन ।

धरान गल्फ क्लबका अध्यक्ष ले धरानको गल्फ कोर्स ब्रिटिशहरुले शुरु गरेको बारेममा जानकारी दिए । सन् १९९० तिर यहाँ छाडेर पोखरामा सिफ्ट भएकाले त्यसपछि धरान गल्फ क्लबको रुपमा शुरु भएको बताए । ‘बिचमा निर्माणा कन्ट्री क्लबले पनि गल्फ चलाउन थालेको थियो, उनले भने, बिचमा त्यो पछि छाडेर हिँडेपछि धरानमा गल्फ धरानेले खेल्दै आएका छौँ ।

धरानको गल्फ खेल मैदानको अनुगमनमा नेपाल खेलकुद केन्द्रीय सचिव बिप्लब घोष, केन्द्रीय सदस्य सिपि पौडेल सुनसरी अध्यक्ष बिकल पौडेल लगायतको उपस्थिति रहेको थियो।