_1692346234_1692579957_1696057934.jpg)
बेलबारी / मोरङको बेलबारी नगरपालिका -१ मा किसानहरुले लगाएको धानबाली लगायत अन्य बालीनाली हात्तीको बथानले नष्ट गर्दा ठुलो क्षति भएको छ ।
पाक्न लागेको धान,केराखेती,सिमल तरुल लगायतका बालीनाली हात्तीको बथानले नष्ट गरेको छ । हात्तीले पुर्याएको क्षतिका बारेमा बेलबारी नगरपालिकाका प्रमुख दिलप्रसाद राई,उपप्रमुख नितु थापा (कोईराला) लगायत जनप्रतिनिधिहरुले अनुगमन समेत गरेका छन । 
केहि दिनयता पुर्वोत्तर मोरङका बिभिन्न क्षेत्रमा हात्तिको हुल नै गाँउ पसेपछि स्थानिय बासिन्दा रातभर जाग्राम बस्न बाध्य भएका छन ।दर्जनौ संख्यामा रहेको हात्तिको हुल बेलबारी,लेटाङ,केराबारीको जंगल नजिकको वस्तीमा पसेको हो । हात्तीको संख्या २२ वटा बढी रहेको स्थानीय बताउँछन ।
