सुनसरी / धरानबाट प्रकाशित हुँदै आएको साप्ताहिक ‘प्रबोध’ पत्रिकाका गमबहादुर लम्जेलको असामयिक निधन भएको छ । मुटूरोगी ३९ वर्षीय लम्जेलको सोमवार साँढे ९ बजे राती बिपी कोइराला स्वास्थ्य विज्ञान प्रतिष्ठानमा निधन भएको हो ।


लम्जेल लामो समय देखि पत्रकारिता, शिक्षण, सामाजिक राजनैतिक क्षेत्रमा उनी सक्रिय थिए । उनले २०५४ देखि झापाको ‘स्वाधीन संवाद’ साप्ताहिक, इलामको प्रतिनिधि भई पत्रकारितामा प्रवेश गरेका थिए ।


 २०७२ यता नेपाल कम्युनिष्ट पार्टी निर्माणको बहस खोज अनुसन्धान तथा साहित्य र पत्रकारितामा संलग्न रहँदै आएका थिए । कविशिरोमणि साहित्य साधना समाजको श्रमिक स्रष्टा पुरस्कार-२०७४, दिव्य रोशनी साप्ताहिकको सृजनशील पत्रकारिता पुरस्कार २०७५ बाट उनी सम्मानित भएका थिए । 


आमा कौशिल्या तोलाङ्गी बुबा रेशबहादुरका छोरा लम्जेलकोे छोरा लम्जेलको जन्म २०४१ साल भदौ २८ गते शान्तिडाँडा ४ फटुक इलाम हाल देउमाई नगरपालिका-६ भएको थियो ।