इटहरी । बैदेशिक रोजगारीका लागि पलाउ पठाउने भन्दै १२ जनालाई ८४ लाख ठगी गर्ने व्यक्तिलाई प्रहरीले   पक्राउ गरेको छ ।  युएस पलाउ जव सर्भिस नामक कम्पनीका सञ्चालक  सुनसरीको इनरुवा नगरपालिका– ३ का ३४ वर्षीय  राजिवजङ्ग  थापा पक्राउ परेका हुन् ।

उनले बैदेशिक रोजगारको लागि पलाउ नाम गरेको मुलुक पठाउने  भन्दै १२  जना सर्वसाधारणबाट २०७३ सालमा  नै जनही ७ लाख रुपैयाँ उठाएका थिए ।  ८४  लाख   रुपैयाँ उठाएर  फरार भएका थापालाई पक्राउ गरेको सुनसरी प्रहरीले बताएको छ ।

बैदेशिक रोजगार न्यायधिकरण काठमाडौंले  २०७६ असार ८ गते उनलाई १ वर्ष ६ महिना कैद र १ लाख  ५० हजार जरिवानाको फैसला भएको थियो । बिगो बापत १ करोड २६ लाख भराउने फैसला भएको थियो ।

फरार रहेका उनलाई  इनरुवा नगरपालिका स्थित गाँउबाट कात्तिक १५ गते  पक्राउ गरेको प्रहरीले बताएको छ ।  थापालाई  सजाय भुक्तानका लागि  झुम्का कारागार पठाइएको प्रहरीले बताएको छ ।