सरकारले एक हप्ताकै बीचमा सार्वजनिक यातायातको भाडा पनः वृद्धि गरेको छ । यातायात विभागले मंगलबार एक  सुचना निकाल्दै अन्तर प्रदेश  यातायातका यात्रुबाहक र मालबाहक सवारी साधनको भाडादर बढेको जानकारी गराएको छ । गत जेठ ४ गते मात्रै विभागले भाडा बढाएको थियो । 

नेपाल आयल निगमले इन्धनको मुल्य एकै पटक १० रुपैयाँ बढाए पछि सरकारले गाडी भाडा बढाएको  हो इन्धनको मुुल्य थपघटका कारणले एकै पटक ५  प्रतिसतले बढे वा घटेमा भाडा समायोजन गर्ने निति रहेको समेत विभागले जनाएको छ । विभागका अनुसार बढेको भाडा जेठ ११ बाट लागु हुनेछ ।

विभागका अनुसार यात्रु बाहक सवारीको हकमा २.१ प्रतिशत भाडा बढेको छ । पहाडी रुढमा चल्ने मालबाहक सवारीको हकमा २.७ प्रतिशत र तराईमा चल्ने मालबाहक सवारीमा ३ प्रतिशत भाडा बढेको विभागले जनाएको छ ।

गत जेठ ४ मा यात्रुबाहक सवारीको हकमा ३.५ प्रतिशत भाडा बढेको थियो । पहाडी रुढमा चल्ने मालबाहक सवारीको हकमा ४.६ प्रतिशतले र तराई रुढमा चल्ने मालबाहक सवारी साधनमा ५.१ प्रतिशत मुल्य बढेको थियो । 

अब प्रदेशहरुले पनि यसैका आधारमा छोटो दुरीको सवारी भाडा बढाउनेछन् ।