_1692346234_1692579957_1696057934.jpg)
धरानः धरान उपमहानगरपालिकाको वडा नम्बर १ को अन्तिम मत परिणामअनुसार नेपाली कांग्रेसको प्यानल नै विजयी भएको छ ।
वडाध्यक्षमा यज्ञमणि आचार्य ७५७ मत प्राप्त गरेर विजयी भएका छन् । उनका प्रतिद्वन्द्वी निवर्तमान वडाध्यक्ष राप्रपाका रोशन अधिकारीले ७०३ मत प्राप्त गरेका छन् । कांग्रेसबाट टिकट नपाएपछि अधिकारी राप्रपामा प्रवेश गरेर उम्मेद्वार बनेका थिए ।
सो वडामा नेकपा एमालेका सुमन श्रेष्ठले १७७ र स्वतन्त्र उम्मेद्वार बिहानसिंह श्रेष्ठले ४७ मत प्राप्त गरेका छन् ।
वडा सदस्यतर्फ महिला सदस्यमा रहिसा कसजूले ८८९ मत, दलित महिला सदस्य रीता सुन्दासले ८६०, खुल्ला सदस्य विनोद मानन्धरले ७८१ र उज्ज्वल बास्तोलाले ६९६ मत प्राप्त गरेर विजयी भएका छन् ।
३१५० मतदाता रहेको सो वडामा १९३२ मत खसेको थियो ।
