_1692346234_1692579957_1696057934.jpg)
इटहरी । १२ स्थानीय तह रहेको सुनसरीमा ७ वटा पालिकामा काँग्रेस अघि देखिएको छ ।
आइतबार जिल्ला प्रशासन कार्यालय सुनसरीले दिएको जानकारी अनुसार जिल्लाको इटहरी र धरान उपमहानगरसहित काँग्रेसले ७ पालिकामा अग्रता लिएको हो ।
प्रशासनले दिएको जानकारी अनुसार यी दुई पालिकासहित इनरुवा नगरपालिका, दुहवी नगरपालिका, भोक्राहा नरसिंह गाउँपालिका, हरिनगर गाउँपालिका र देवानगञ्ज गाउँपालिकामा काँग्रेस अगाडि रहेको छ ।
एमालेले सुनसरीको ४ पालिकामा अग्रता कायम राखेको छ । कार्यालयले दिएको जनकारी अनुसार एमालेले बराहक्षेत्र नगरपालिका, रामधुनी नगरपालिका, गढी गाउँपालिका र बर्जु गाउँपालिकामा अग्रता कायम गरेको हो ।
अर्को एक पालिका, कोशी गाउँपालिकामा भने जनता समाजवादी पार्टी (जसपा) ले अग्रता कायम गरेको छ ।
