इटहरीः सुनसरीको इटहरीस्थित विश्व आदर्श कलेजका प्राचार्य तथा इटहरीको शिक्षा क्षेत्रका अग्रज व्यक्तित्व लेखनाथ घिमिरेको नागरिक अभिनन्दन हुने भएको छ ।

इटहरीका वरिष्ठ साहित्यकार अनिल पौडेलको अध्यक्षतामा गठित २१ सदस्यीय नागरिक अभिनन्दन मुल समारोह समितिले अभिनन्दन गर्न लागेको समितिकी कोषाध्यक्ष सुभद्रा प्याकुरेलले जानकारी दिइन् । ७७ वर्षीय साहित्यकार घिमिरले आफ्नो जीवनकालको चार दशकभन्दा बढी समय इटहरी क्षेत्रको शिक्षा र साहित्यको उत्थानमा अध्ययन अनुसन्धानका माध्यमबाट योगदान दिएर बिताएकाले उनको योगदानको उच्च कदर गर्दै अभिनन्दन गर्न लागिएको प्याकुरेलको भनाइ छ । नागरिक अभिनन्दन साहित्यकार घिमिरेको जन्मदिनको अवसर पारेर आगामी वर्ष २०७९ को माघ महिनामा गरिने समितिले जनाएको छ ।