_1692346234_1692579957_1696057934.jpg)
इटहरी। नेपाली कांग्रेसको जारी १५औँ महाधिवेशनअन्तर्गत उदयपुरको ताप्ली गाउँपालिकामा १८ वर्षीय युवा दिनेश सुर्खेती पालिका सहसचिव तथा क्षेत्रीय प्रतिनिधिमा चयन भएका छन्।
सानै उमेरमा नेपाली कांग्रेसको संगठनमा महत्वपूर्ण जिम्मेवारी पाएका सुर्खेती ताप्ली गाउँपालिकाको पालिका सहसचिवसँगै क्षेत्रीय प्रतिनिधि बनेका हुन्। उनको चयनसँगै कांग्रेसको स्थानीय संगठनमा युवा पुस्ताको सहभागिता र नेतृत्वप्रति चासो बढ्दै गएको देखिएको छ।
१८ वर्षकै उमेरमा पार्टीको पालिका तहको जिम्मेवारीसँगै क्षेत्रीय प्रतिनिधिको भूमिका पाएका सुर्खेतीले युवा पुस्तालाई राजनीतिमा सक्रिय रूपमा जोड्दै संगठनलाई थप गतिशील बनाउन आफ्नो भूमिका प्रभावकारी बनाउने बताएका छन्। कांग्रेसको १५औँ महाधिवेशनका क्रममा विभिन्न तहमा नेतृत्व चयन भइरहेका बेला उदयपुरमा युवा पुस्ताले पनि पार्टीको संगठनात्मक जिम्मेवारीमा स्थान पाउन थालेका छन्।
सुर्खेतीको चयनलाई ताप्लीमा कांग्रेसभित्र युवा सहभागिताको उदाहरणका रूपमा हेरिएको छ।
