साजीेलाल माध्यमिक विद्यालयले कक्षा १२ को नतिजा सार्वजनिक, ७५.५% विद्यार्थी सफल

मोरङ | सुन्दरहरैंचा नगरपालिका - ६, दुलारीमा अवस्थित साजीेलाल माध्यमिक विद्यालयले कक्षा १२ को नतिजा सार्वजनिक गरेको छ ।  राष्ट्रिय परीक्षा बोर्डको नतिजा अनुसार, विद्यालयद्वारा जारी गरिएको सूचनामा कूल ३ सय ३ जना परीक्षार्थीमध्ये २ सय २९ जना विद्यार्थीहरूले उत्तीर्ण भएका छन् । यसले विद्यालयको समग्र उत्तीर्ण प्रतिशत ७५.५% रहेको पुष्टि गर्दछ । 

ग्रेड वितरणमा विविधता, विज्ञान समूहमा उत्कृष्ट सफलता

प्राप्त नतिजामा शिलशिला सापकोटाले GPA ३.६–४.० (उत्कृष्ट श्रेणी) हासिल गरेका छन् भने, ३६ जनाले GPA ३.२–३.६, ६६ जनाले GPA २.८–३.२, ९८ जनाले GPA २.४–२.८, र २८ जनाले GPA २.०–२.४ बीचमा ग्रेड हासिल गरेका छन् । यसले देखाउँछ कि अधिकांश विद्यार्थीहरू मध्यम श्रेणी (GPA २.४ देखि ३.२ सम्म) मा समेटिएका छन्।

विशेष उल्लेखनीय पक्ष के छ भने, विज्ञान संकायमा अध्ययनरत सबै विद्यार्थीहरू उत्तीर्ण भएका छन्, जसले १०० प्रतिशत सफलता दर देखाएको छ । यो विद्यालयको विज्ञान शिक्षणको गुणस्तर, नियमित कक्षा सञ्चालन, अतिक्ति कक्षा, प्रयोगात्मक कार्यको प्रभावकारिता, र विद्यार्थीहरूको आत्मपरिश्रमको प्रतिफल भएको +2 संयोजक राजेन्द्र कार्की बताउनुभयो ।

६९ विद्यार्थी ग्रेडवृद्धि परीक्षामा सहभागी हुने

यसपटक ६९ जना विद्यार्थी ग्रेडवृद्धि परीक्षाको लागि योग्य भएका छन् । यसले दर्शाउँछ कि विद्यार्थीहरू परीक्षा पास गर्न निकै नजिक थिए तर न्यूनतम सीमा नाघ्न असफल भए । विद्यालयले ग्रेडवृद्धिका लागि आवश्यक परामर्श, अभ्यास कक्षा र मार्गदर्शन प्रदान गर्ने योजना बनाएको विधालयका सुचना अधिकारी भवनी शंकर ढकालले बताउनु भयो । 

विद्यालयका प्रधानाध्यापक श्याम बाबु काफ्लेले  सफल नतिजा निकाल्ने विद्यार्थीहरूलाई उज्ज्वल भविष्यको शुभकामना दिनु भएको छ  । साथै, अभिभावकहरू, शिक्षकहरू, कर्मचारीहरू र स्थानीय समाजको सहकार्यले नै सफल भएको बताउँदै, प्रधानाध्यापक काफ्ले भन्नु हुन्छ :- “विद्यार्थीहरूको यो उपलब्धि सम्पूर्ण विद्यालय परिवारको सामूहिक प्रयासको परिणाम हो। भविष्यमा अझ उत्कृष्ट नतिजा ल्याउने लक्ष्यका साथ हामी अघि बढ्नेछौँ।“ 

विद्यालयले आगामी वर्षहरूमा शैक्षिक सुधारका कार्यक्रम, डिजिटल शिक्षण विधिको प्रयोग, तथा परिणाममा अझ सन्तुलन ल्याउने कार्य योजना समेत अघि सारेको छ ।

स्थानीय तह र शिक्षा विकास

साजीेलाल माध्यमिक विद्यालय सुन्दरहरैंचाको  पुरानो र प्रतिष्ठित शिक्षण संस्था हो, जसले २०२२ सालदेखि निरन्तर शिक्षण सेवा प्रदान गर्दै आएको छ । विद्यालयले हालका वर्षहरूमा आधुनिक शिक्षण विधि, प्राविधिक विषयहरूको समावेशीकरण, तथा विद्यार्थी मैत्री वातावरण निर्माणमा जोड दिएको छ । यस वर्षको कक्षा १२ को नतिजाले विद्यालयले शैक्षिक क्षेत्रमा प्रभावशाली प्रगति गरेको देखिन्छ। स्थानीय तह, अभिभावक र शिक्षा क्षेत्रका जानकारहरूले विद्यालयको यो उपलब्धिलाई सकारात्मक संकेतका रूपमा लिएको पाइन्छ ।

विद्यार्थीहरूको सफलताको पछाडि नदेखिने अनेक प्रयास, नियमित कक्षापाठ, घरको वातावरण, र समुदायको समर्थन समेत जोडिन पुगेको हुन्छ। यस्ता सफलताहरूले न केवल विद्यालयको प्रतिष्ठा बढाउँछ, बरु समग्र समाजमा सकारात्मक ऊर्जा उत्पन्न गर्छ । साजीेलाल माध्यमिक विद्यालयको यो उपलब्धिले दुलारी क्षेत्रको मात्र नभई सुन्दरहरैँचा कै  शिक्षण स्तरमा प्रेरणा थप्ने निश्चित छ ।